Uavgjort og seriemeistrar i 5. divisjon!

Frå venstre: Kaleb, Gustav og Frede

Hardanger BTK 3 spela fredag sesongens siste kamp i 5. divisjon. Laksevåg BTK 5 var motstandar i deira bordtennishall i Bergen. Laksevåg 5 tok leiinga 5-2, men ein sterk sluttspurt av våre gutar sikra uavgjort 5-5.

HBTK 3 stilte med Gustav Korshavn Vikesdal, Kaleb Mong og debutant Frede Korshavn Vikesdal. Sigrane kom ved Gustav (3), Kaleb og dobbelparet Gustav/Kaleb. Ein av kampane vann me 3-2.

Avdelinga har vore jamnspelt, men eitt lag skil seg ut. HBTK 3 har gått gjennom serien utan tap. Laget hadde vunne sju strake kampar før det no vart uavgjort i sesongens siste kamp. HBTK 3 er dermed klare seriemeistrar og rykkjer opp! Samstundes vert Gustav Korshavn Vikesdal årets lagspelar med god margin! Me gratulerer!

HBTK 2, som også spelar i den same avdelinga i 5. divisjon, vert nummer fire eller fem blant dei fem laga. Ein kamp mellom to av dei andre laga i avdelinga vil avgjera det. Terminliste, resultat, tabell og oversikt over årets lagspelar finn du her.  NB. Dette er ikkje oppdatert etter fredagens kamp.

Me gratulerer laga våre med ein veldig godt gjennomført sesong! Ei oppsummering av seriesesongen vert lagt ut når både 4. og 5. divisjon er ferdigspela.

Les meir
Lagt inn i Ymse | Kommentarar avslått på Uavgjort og seriemeistrar i 5. divisjon!

Årsmelding 2023

Årsmøtet i Hardanger BTK onsdag kunne slå fast at 2023 vart eit vellukka år for klubben!

Her kjem årsmeldinga som vart godkjend på årsmøtet:

Les meir
Lagt inn i Ymse | Kommentarar avslått på Årsmelding 2023

Årsmøtet er vel gjennomført!

På onsdagens årsmøte i Hardanger BTK tok Håvard Markhus attval som leiar. Også fleire andre tok attval i ulike verv, medan nokre fekk nye posisjonar.

Ut av sine verv gjekk Iselinn Stuve (styremedlem), Vegard Markhus (medlem i kontrollutvalet) og Jeannette Huttenlocher (medlem i valkomitèen). Me takkar desse for innsatsen!

Nye i ulike verv er Lars Henrik Mo (varamedlem i styret), Trine Alette Fykse (medlem i kontrollutvalet) og Aodne Valland (varamedlem i valkomitèen).

Me ynskjer det nye styret og dei andre valde organa lukke til!

Les meir
Lagt inn i Ymse | Kommentarar avslått på Årsmøtet er vel gjennomført!

Viktig siger i 4. divisjon!

Frå venstre: Lars Henrik, Aodne og Håvard

Hardanger BTK sitt førstelag spela måndag sesongens nest siste kamp i 4. divisjon. Heros 3 var motstandar i Hardanger Bordtennishall. Me vann 6-4 i ein svært jamnspelt lagkamp!

HBTK stilte med Håvard Markhus, Aodne Valland og Lars Henrik Mo. Sigrane kom ved Håvard (3), Aodne (2) og dobbelparet Håvard/Aodne. Heros vann to av kampane 3-2, medan me vann den avgjerande dobbelkampen med same siffer. Bortelaget hadde ein matchball i dobbelkampen, og var med andre ord berre eitt poeng frå å klara uavgjort i lagkampen.

HBTK klatra til tredjeplass blant dei sju laga i avdelinga etter kveldens kamp, men me har spela fleire kampar enn dei andre laga. Målet er å unngå nedrykk, og etter dagens siger er det berre ein teoretisk sjanse for at me skal enda sist på tabellen. Terminliste, resultat, tabell og oversikt over årets lagspelar finn du her.

Sesongens siste kamp for laget er ein heimekamp mot Bergen PIL 3. Den vert spela i Hardanger Bordtennishall måndag 8. april.

Lagt inn i Ymse | Kommentarar avslått på Viktig siger i 4. divisjon!

Hugs årsmøte!

Me minner om årsmøtet i Hardanger Bordtennisklubb i Hardanger Bordtennishall onsdag 13. mars kl. 1800. Vanlege årsmøtesaker. Vel møtt! NB. Det vert open hall for vaksne og ungdomar som vanleg kl. 19.00.

Lagt inn i Ymse | Kommentarar avslått på Hugs årsmøte!

Heimekamp i 4. divisjon

Måndag 11. mars er det heimekamp i 4. divisjon i Hardanger Bordtennishall. Hardanger BTK sitt førstelag møter Heros 3 kl. 18.30.

Vel møtt til dei som vil koma for å sjå på kampen! Det vil også vera plass til å spela samstundes dersom nokon ynskjer det.

Lagt inn i Ymse | Kommentarar avslått på Heimekamp i 4. divisjon

Tap i 5. divisjon

Frå venstre: Mohamad, Jeannette og Liam

Hardanger BTK 2 spela laurdag sesongens siste kamp i 5. divisjon. Laksevåg BTK 5 var motstandar i deira bordtennishall i Bergen. Me tapte 8-2.

HBTK 2 stilte med Liam Amir Jamal, debutant Mohamad Basem Farah og spelande lagleiar Jeannette Huttenlocher. Sigrane kom ved Liam og Jeannette. Begge vann 3-2, medan Mohamad tapte ein kamp med same siffer.

Les meir
Lagt inn i Ymse | Kommentarar avslått på Tap i 5. divisjon

Nytt tap i 4. divisjon

Frå venstre: Håvard, Aodne og Torstein

Hardanger BTK sitt førstelag spela torsdag sesongens tiande kamp i 4. divisjon. Fjell 2 var motstandar i Fyllingsdalen idrettshall i Bergen. Me tapte 8-2.

HBTK stilte med Håvard Markhus, Aodne Valland og Torstein Valland. Sigrane kom ved Håvard og Torstein. Ein av kampane vann me 3-2, medan me tapte to kampar i femte og avgjerande sett.

HBTK ligg på fjerdeplass blant dei sju laga i avdelinga, men me har spela fleire kampar enn dei andre laga. Målet er framleis å unngå nedrykk. Terminliste, resultat, tabell og oversikt over årets lagspelar finn du her.

Me hadde håpa på poeng i dag, men ny sjanse kjem snart. Måndag spelar me vår tredje kamp på under ei veke. Då er Heros 3 motstandar i Hardanger Bordtennishall.

Lagt inn i Ymse | Kommentarar avslått på Nytt tap i 4. divisjon

Tap i 4. divisjon

Frå venstre: Håvard, Lars Henrik og Aodne

Hardanger BTK sitt førstelag spela onsdag sesongens niande kamp i 4. divisjon. Serieleiar Laksevåg 4 var motstandar i Hardanger Bordtennishall. Bortelaget vann 8-2.

HBTK stilte med Håvard Markhus, Lars Henrik Mo og Aodne Valland. Sigrane kom ved Håvard (2).

HBTK ligg framleis på tredjeplass blant dei sju laga i avdelinga, men me har spela fleire kampar enn dei andre laga. Målet er framleis å unngå nedrykk. Terminliste, resultat, tabell og oversikt over årets lagspelar finn du her.

Den neste kampen vår er allereie i dag – torsdag 07. mars. Me møter Fjell 2 i Fyllingsdalen idrettshall i Bergen.

Lagt inn i Ymse | Kommentarar avslått på Tap i 4. divisjon

Heimekamp i 4. divisjon

Onsdag 06. mars er det heimekamp i 4. divisjon i Hardanger Bordtennishall. Hardanger BTK sitt førstelag møter Laksevåg 4 kl. 18.30. Denne kampen kjem til å gå inn i tida der me har open hall. Det vil likevel vera plass til andre som vil spela. Det vert difor open hall som vanleg kl. 19.00.

Vel møtt også om du vil koma for å sjå på kampen!

Lagt inn i Ymse | Kommentarar avslått på Heimekamp i 4. divisjon