Jan Roger i aksjon i finalen
Hardanger BTK stilte med heile nitten deltakarar i Hardanger Sommarcup sundag! Så mange deltakarar kan me ikkje hugsa å ha hatt med i ein sommarcup tidlegare! Av desse gjekk to heilt til topps; Jan Roger Andersson og Jack Feng.
I herrar open vart det førsteplass på Jan Roger Andersson, etter å ha slått faren Roger Andersson i finalen!
I herrar dobbel gjekk Jack Feng til topps saman med makker Dag Hinrichsen frå Skjoldar IL. Håvard Markhus/Jan Roger Andersson vart nummer to og Roger Andersson/Jannik Huttenlocher nummer tre i klassen.
I herrar e vart det ein flott andreplass på Piotr Kostrzewski! Han tapte mot Lars John Hartveit i finalen, men han slo same spelar i puljespelet i klassen. Ivo Beijersbergen vart nummer fem, etter at også han måtte gje tapt mot Hartveit. Piotr og Ivo sikra seg også tredjeplassen i herrar e dobbel.
Ivo i aksjon
I nybyrjar dobbel vart Sarah Rosseland nummer tre saman med Mikkel Kval Walhovd frå Laksevåg BTK.
Klubben gratulerer våre medlemer med flott innsats og gode resultat i sesongens siste turnering! Me er veldig godt nøgde med resultata, og ser fram neste sesong!
