Tysdag 10. desember arrangerer Hardanger BTK vår tradisjonsrike julegristurnering kl. 18-19. Alle i klubben kan vera med – både born, ungdomar og vaksne. Det er gratis å delta, og alle vert premierte med sjokoladar og marsipan i ulike storleikar.
Torsdag 12. desember vert det litt ekstra leikar (med sjokolade og marsipan til premiar) på barnetreninga kl.18-19. Deretter tek borna i klubben juleferie.
Dei andre treningane går som vanleg i veke 50.
Tysdag 17. desember vert det juleavslutning for alle over 15 år på kinarestauranten i Norheimsund kl.18-19. Det vert buffet, og prisen vert 200,- pr person. Dei som vil ha brus betalar for dette i tillegg. For at alle våre medlemer skal kunna vera med, håpar me alle kan unngå bruk av alle typar parfymerte produkt.
Dersom du ynskjer å vera med på kinarestauranten melder du deg på til Bente Maubach (95004190, bente.maubach@dukamail.no) seinast 12. desember.
I veke 51 er hallen oppteken måndag til onsdag. Difor vert den einaste treninga denne veka treninga for vaksne og ungdomar i Framnes Arena tysdag 17. desember kl.19.15-20.30.
Etter avslutninga og treninga på Framnes tek også ungdomar og vaksne i klubben juleferie. Treningane startar opp att til vanlege tider etter nyttår. Første trening vert torsdag 2. januar.
NB. Nokre av oss kjem kanskje til å møtast for å spela også i ferien. Ta kontakt med Håvard (91535549, havard@hbtk.no) dersom du er interessert i å vera med.
Me i Hardanger Bordtennisklubb ynskjer alle bordtennisvener ei god jul!
