Felleslaget Hardanger BTK 2/Bergen HIL 3 spela tysdag sesongens fjerde kamp i 4. divisjon. Etter tre strake tap vart det endeleg siger og poeng! Heros 5 var motstandar då me for første gong spela 4. divisjonskamp i Framnes Arena. Kampen enda 7-3 til heimelaget! Me stilte med Håvard Markhus, Ivo Beijersbergen, Aodne Valland og Jannik Huttenlocher – alle frå Hardanger BTK. Sigrane kom ved Håvard (3), Ivo (2), Jannik og dobbelparet Håvard/Jannik.
Hardanger BTK 2/Bergen HIL 3 klatra til nest siste plass på tabellen med to poeng og 18-22 i kampkvote etter fire spelte kampar. Tabell og resultat finn du her.
Neste kamp er allereie i morgon. Då er Laksevåg 5 motstandar i Laksevåg Bordtennishall.
