Årsmøte utsett grunna korona

Årsmøtet i Hardanger Bordtennisklubb skulle ha vore gjennomført i Norheimsund idrettshall fredag 27. mars kl. 18.00. Møtet er utsett på ubestemt tid grunna koronasituasjonen. Norges idrettsforbund har utsett fristen for å gjennomføra årsmøte til 15. juni. Ny dato for årsmøtet vert fastsett seinare.

Lagt inn i Ymse | Legg att eit innspel

All aktivitet avlyst

Alle treningar og arrangement er avlyst – i første omgang fram til og med 26. mars – grunna koronasituasjonen.

Lagt inn i Ymse | Legg att eit innspel

Knepent tap i semifinalen

Frå venstre: Jan Roger, Thomas, Jack og Roger spela for Hardanger BTK i semfinalen mot Stord BTK.

Hardanger BTK møtte i kveld Stord BTK i semifinale i sluttspelet i eliteserien. Kampen vart spela i Gamlehallen i Vikahaugane idrettspark på Stord, og heimelaget vann 5-4.

Les meir
Lagt inn i Ymse | Legg att eit innspel

Semifinale i sluttspelet!

Onsdag møtest Stord BTK og Hardanger BTK til semifinale i sluttspelet i eliteserien. Kampen vert spela i Gamlehallen i Vikahaugane idrettspark på Stord og startar kl. 18.00. Me reknar med at kampen vert streama på Stord BTK si TV-side på Facebook.

I grunnspelet i eliteserien vart Stord BTK nummer to og Hardanger BTK nummer fire. Vinnaren av morgondagens kamp møter Laksevåg BTK i finalen. Dei slo i dag Fornebu BTK 5-1 i den andre semifinalen.

Meir informasjon om eliteserielaget vårt finn du under «Eliteserien 2019-2020» i menyen øvst på sida. 

Me ynskjer eliteserielaget vårt lukke til i helga!

Lagt inn i Ymse | Legg att eit innspel

Sigrar i Sverige!

Far og son Roger og Jan Roger Andersson spela seriespel for Kyrkhults BTK i 2. divisjon i Sverige i helga. Også Niklas Andersson – bror til Roger – spela for Kyrkhults BTK. Med tre Andersson – alle HBTK-medlemer – på laget, vart det siger i helgas to kampar. Dermed gjekk det nyopprykka laget til topps på tabellen når to kampar gjenstår av sesongen!

Resultat og tabell finn du her.

Onsdag spelar Roger og Jan Roger og resten av eliteserielaget vårt semifinale i sluttspelet mot Stord BTK på Stord.

Lagt inn i Ymse | Legg att eit innspel

Bordtennis for alle!

Hardanger BTK sin nye film – «Bordtennis for alle!» – ser du her. Videoen vart vist på Nettavisen Direktesport og sytti norske nettaviser fleire gonger under Senior-NM sist helg!

Lagt inn i Ymse | Legg att eit innspel

Årsmøte – utsett grunna korona

Det vert årsmøte i Hardanger Bordtennisklubb i Norheimsund idrettshall fredag 27. mars kl. 18.00. Vanlege årsmøtesaker. Vel møtt!

Lagt inn i Ymse | Legg att eit innspel

Dommarkurs – utsett grunna korona

Norges Bordtennisforbund arrangerer regiondommarkurs i Bergen laurdag 14. mars. Kurset varar frå kl. 12.-16 og er ope for alle. Påmeldingsfristen er 12. mars.

Norges Bordtennisforbund arrangerer forbundsdommarkurs i Bergen 21.-22. mars. Kurset varar frå kl. 10-18 laurdagen og 10-15 sundagen. Det er ope for alle som har teke regiondommarkurs og praktisert som dommar. Påmeldingsfristen er 18. mars.

Ta kontakt med Håvard (91535549, havard@hbtk.no) eller Jack (96859349, jack@hbtk.no) dersom du er interessert i å vera med på eitt av kursa.

Alle som ynskjer det kan ta eit klubbdommarkurs på nett. Dei som skal vera med på regiondommarkurs bør ha teke dette på førehand. Kurset er gjort på 20 minuttar, og tar opp det aller viktigaste du treng å vita. Klubbdommerkurset finn du her: https://app.xtramile.no/user/Training/HandleTrainingRequestPreview?t=Lesson&o=5e2d4af6-0d7f-4f82-8171-9590ca8687c5

Lagt inn i Ymse | Legg att eit innspel

Seks NM-medaljar til Hardanger BTK!

Frå venstre: Jan Roger Andersson, Thomas Låte, Jack Feng og Roger Andersson gjennomførte eit svært godt senior-NM!
Les meir
Lagt inn i Ymse | Legg att eit innspel

NM for senior

28. februar-1. mars arrangerer Norges Bordtennisforbund årets NM for senior i Oslofjord Convention Center i Sandefjord. Hardanger BTK deltek med Jack Feng, Jan Roger Andersson, Thomas Låte og Roger Andersson. Me ynskjer spelarane lukke til! Fylg med for streaming og resultatservice her: http://bordtennis.no/nm/ NB! Streaminga vert sendt hjå Nettavisen Direktesport!

Lagt inn i Ymse | Legg att eit innspel