Laurdag 12. oktober arrangerer Stord BTK årets utgåve av Stord Cup i nyehallen i Stord idrettspark.

I dette stemnet er det mogleg å delta i tre klassar og det kostar mellom 70 og 200 kroner å delta i dei ulike klassane. Stemnet har klassar for alle aldersgrupper. Det er også dobbelklassar og eigen rekruttklasse. Dette er eit nytt namn på det som tidlegare heitte nybyrjarklasse. Påmelding skjer til Håvard (91535549, havard@hbtk.no) seinast 02. oktober.

Det er fint om nokon melder seg som sjåførar.

NB: Alle som er fødd i 2012 eller tidlegare må ha betalt lisens til NBTF. Gjeld ikkje rekruttklassen.

Hardanger BTK kan med stor glede melde om at GBS Entrepenør AS vert generalsponsor for klubben den neste sesongen! Dette vil vera synleg både på våre spelar- og overtrekksdrakter, under arrangement og i andre samanhengar. GBS har vore hovudsponsor for klubben dei siste sesongane. No aukar dei støtta til oss og vert generalsponsor!

GBS er eit entrepenørfirma som held til i Øystese. Meir info om dei finn du her.

GBS er flinke til å støtta lokale lag og organisasjonar, og no får altså Hardanger BTK framleis glede av dette! Me gler oss over at GBS vil vera ein av våre viktigaste støttespelarar i tida framover.

Me takkar GBS for at dei ser verdien av det arbeidet me gjer i klubben, og for at dei difor vel å gå inn som generalsponsor for oss! Me ser fram til vidare samarbeid!

Under «Treningstider» finn du no våre faste treningstider. Tidene gjeld frå og med veke 35. Same stad finn du også annan info om treningane våre. Under «Medlemsinfo» finn du mykje annan informasjon for deg som vil vera med i klubben vår!

Vel møtt på trening! Me håpar på godt oppmøte!

Torsdag hadde Hardanger BTK vitjing av Frank Martiniussen frå Taide Sport. Frank var til stades både på open hall på dagtid og treninga om kvelden. Han fekk møta mange av medlemene våre, og ein del av dei frammøtte nytta høve til å kjøpa nytt utstyr. Nokon nytta også høve til å utfordra Frank ved bordtennisbordet. Me takkar Frank for besøket!

Hardanger BTK har motteke 7500,- frå Sparebankstiftinga Sparebanken Vest sitt Eldsjelfond! Støtta skal gå til klubbtur.

Sparebanken Vest har vore vår viktigaste støttespelar og samarbeidspartnar i mange år, og me gler oss over at dei framleis vil vera dette!

Me takkar Sparebanken Vest for at dei nok ein gong støttar oss, og oppmodar alle om å bruka banken!

I veka 34 vert treningstidene dei same som i sist veke. Det vert trening til fylgjande tider:

Tysdag: kl. 18.00-19.30 Trening for alle

Torsdag: kl. 11.00-12.30 Open hall for pensjonistar og andre

kl. 18.00-19.30 Trening for alle

Sundag: kl. 17.30-19.00 Open hall for alle. NB. Barn i fylgje med vaksne.

Dersom nokon ynskjer å trena til andre tider kan dei ta kontakt med Håvard (91535549, havard@hbtk.no).

Dei faste treningstidene vil verta klare i løpet av denne veka og vil truleg gjelda frå og med veke 35.

Me håpar på godt oppmøte! Vel møtt på trening!

Stord BTK arrangerte bordtennisleir på Stord 07.-11. august. Mohamad Basem Farah og Liam Amir Jamal frå Hardanger BTK deltok på leiren. Dei fekk fem dagar med mykje god trening under leiing av den svenske trenaren Christian Bjørklund. Dei hadde også kjekke dagar sosialt saman med spelarar frå andre klubbar. Dermed har begge fått ein god start på den nye sesongen!

I veka 33 startar skulane opp att. Dei faste treningstidene kjem seinare, men i veke 33 vert det trening til fylgjande tider:

Tysdag: kl. 18.00-19.30 Trening for alle

Torsdag: kl. 11.00-12.30 Open hall for pensjonistar og andre

kl. 18.00-19.30 Trening for alle

Sundag: kl. 17.30-19.00 Open hall for alle. NB. Barn i fylgje med vaksne.

Dersom nokon ynskjer å trena til andre tider kan dei ta kontakt med Håvard (91535549, havard@hbtk.no).

Mange har vore på trening i løpet av sommaren, og me håpar på godt oppmøte også i veke 33!

Vel møtt på trening!

Her kjem sesongmelding for sesongen 2023-2024. Ta kontakt med Håvard (91535549, havard@hbtk.no) dersom du oppdagar feil eller manglar i sesongmeldinga.

Laurdag 14. september arrangerer Laksevåg BTK årets utgåve av Lyderhornspretten i Olsvikhallen i Bergen.

I dette stemnet er det mogleg å delta i to klassar og det kostar mellom 100 og 200 kroner å delta i dei ulike klassane. Stemnet har klassar for alle aldersgrupper, og det er eigen rekruttklasse. Dette er eit nytt namn på det som tidlegare heitte nybyrjarklasse. Påmelding skjer til Håvard (91535549, havard@hbtk.no) seinast 09. september.

Det er fint om nokon melder seg som sjåførar.

NB: Alle som er fødd i 2012 eller tidlegare må ha betalt lisens til NBTF. Gjeld ikkje rekruttklassen.