Hardanger BTK sitt førstelag spela laurdag sesongens niande og tiande kamp i 4. divisjon. Dette var dei siste kampane denne sesongen. Bergen PIL 2 og Heros 3 var motstandarar i Bergen. Me tapte 8-2 mot Bergen PIL og spela uavgjort mot Heros 3. Sistnemnde lag hadde passert oss på tabellen og teke bronsen dersom dei hadde slått oss, men med uavgjort vart det bronse til HBTK!
Les meir
Hardanger BTK sitt andrelag spela fredag sesongens tolvte og siste kamp i 5. divisjon. Heros 5 var motstandar i Hardanger bordtennishall. Kampen enda 5-5.
HBTK 2 stilte med Liam Amir Jamal, Lars Henrik Mo og Murad Basem Farah.
Sigrane kom ved Liam (2), Lars Henrik (2) og Murad. Fire av kampane gjekk til femte sett. Laga vann to av desse kvar. På vårt lag tapte Murad to kampar med knappast mogleg margin i femte sett.
Dermed sikra andrelaget seg nitten av 24 moglege poeng i løpet av sesongen.
HBTK 2 toppar framleis tabellen etter gårsdagens kamp, men Bergen PIL 2 har færre spelte kampar og vil truleg gå forbi oss. HBTK 2 er sikra å ta gull eller sølv. Sju lag er med i avdelinga. Terminliste, resultat, tabell og oversikt over årets lagspelar finn du her.
Klubben er veldig godt nøgd med spelarane sin innsats og prestasjonar i 5. divisjon! Me gratulerer laget med ein veldig godt gjennomført sesong! Ei oppsummering av seriesesongen vert lagt ut når både 4. og 5. divisjon er ferdigspela.
Sundag 12. april er det Vaffelsundag med sal av kaffi og vafler. Dette er vanlegvis første sundagen kvar månad, men grunna påske flytta me denne vaffelsundagen ei veke. Det vert også – som alltid – mogleg å kjøpa brus og sjokolade.
Arrangementet er frå kl. 17.30-19.00. Alle er vel møtt, men barn må koma i fylgje med vaksne eller etter avtale.
Fredag 10. april er det heimekamp i 5. divisjon i Hardanger Bordtennishall. Hardanger BTK sitt andrelag møter Heros 5 kl. 17.30. Dette er sesongens siste kamp for laget.
Vel møtt til dei som vil koma for å sjå på kampen! Det vil også vera plass til å spela samstundes dersom nokon ynskjer det. Open hall går som normalt denne dagen.
Hardanger BTK ynskjer alle medlemer og andre bordtennisvener ein god påske!!
Seks spelarar og tre lagleiarar frå Hardanger BTK reiste laurdag på eit rekruttstemne i Haukelandshallen i Bergen. I den yngste klassen kom Lamar Basem Farah på ein flott tredjeplass. I den eldste klassen gjekk Shahd Mohammad Alghneem heilt til topps i B-sluttspelet medan Mona Yusuf Noor vart nummer tre. Alle spelarane viste flott innsats i turneringa, som var den første utanfor Kvam for fleire av dei.
Etter turneringa var heile gjengen på Mc Donalds før me reiste heim etter ein vellukka klubbtur!
Neste turnering er årets regionsmeisterskap, som vert arrangert på Stord helga 18.-19. april.
Hardanger BTK har no teke påskeferie. Dei faste treningane og open hall utgår i ferien, men det vil likevel vera mogleg å spela for alle som vil. I den interne facebookgruppa vil me leggja ut info om når nokon av oss vil vera i hallen etter kvart som dette vert bestemt. Alle er velkomne når det er folk i hallen, men barn må koma i fylgje med vaksne eller etter avtale.
Ta kontakt med Håvard (91535549, havard@hbtk.no) dersom du vil bli medlem i den interne facebookgruppa. Ta også kontakt med Håvard dersom du ynskjer å verta informert om når det vert folk i hallen eller dersom du ynskjer å låna hallen i ferien.
Etter påske startar me opp att med treningar og open hall til vanlege tider tysdag 07. april.
Under open hall sundag 12. april vert det Vaffelsundag med sal av kaffi og vafler. Dette er vanlegvis første sundagen kvar månad, men grunna påske flyttar me denne vaffelsundagen ei veke. Det vert også – som alltid – mogleg å kjøpa brus og sjokolade.
Hardanger BTK ynskjer alle medlemer og andre bordtennisvener ein god påskeferie!
Helga 22.-24. mai arrangerer Fjell og Heros årets noregsmeisterskap for veteranar i Haukelandshallen i Bergen.
Invitasjon til turneringa finn du her. Der finn du blant anna oversikt over alle klassar og kva det kostar å delta.
Påmelding skjer til Håvard (91535549, havard@hbtk.no) seinast 20. april.
Det er mogleg å vera med ein eller fleire dagar.
NB: Ein må må ha betalt lisens til NBTF for å kunna delta.
Hardanger BTK sitt andrelag spela torsdag sesongens ellevte kamp i 5. divisjon. Voss var motstandar i deira bordtennishall. Me vann 6-4.
Les meirÅrsmøtet i Hardanger BTK onsdag kunne slå fast at 2025 vart eit vellukka år for klubben!
Her kjem årsmeldinga som vart godkjend på årsmøtet:
Les meir
