I veke 51 vert det vanlege treningar til og med torsdag 19. desember.
Etter dette tek klubben juleferie. Det vert ingen vanlege treningar i ferien. Det vil likevel verta mogleg å spela også i ferien. I den interne facebookgruppa vil me leggja ut info om når nokon av oss vil vera i hallen etter kvart som dette vert bestemt. Då er alle velkomne, men barn må koma i fylgje med vaksne eller etter avtale.
Ta kontakt med Håvard (91535549, havard@hbtk.no) dersom du vil bli medlem i den interne facebookgruppa. Ta også kontakt med Håvard dersom du ynskjer å verta informert om når det er trening eller dersom du ynskjer å låna hallen i ferien.
Me minner elles om at det er utebord i parkar og ved skular i Norheimsund og Øystese.
Treningane startar opp att til vanlege tider etter nyttår. Første dag med trening og open hall vert torsdag 02. januar.
Sundag 05. januar er det Vaffelsundag med sal av kaffi og vafler – slik det er første sundagen kvar månad. Det vert også – som alltid – mogleg å kjøpa brus og sjokolade.
Me i Hardanger Bordtennisklubb ynskjer alle medlemer og andre bordtennisvener ei god jul!
