Siger i 5. divisjon!

Bak frå venstre: Murad, Jeannette og Liam
Framme frå venstre: Felix og Mohamad

Hardanger BTK sitt andrelag spela laurdag sesongens fjerde kamp i 5. divisjon. Laksevåg 5 var motstandar i Hardanger Bordtennishall. Vårt unge lag vann ein solid 8-2-siger!

HBTK stilte med Liam Amir Jamal, Felix van der Leest og Mohamad Basem Farah. I tillegg kom Murad Basem Farah inn i ein singel og dobbel, medan Jeannette Huttenlocher var til stades som lagleiar. Sigrane kom ved Liam (3), Mohamad (2), Murad, Felix og dobbelparet Murad/Felix. Laga vann kvar sin kamp i femte og avgjerande sett.

HBTK ligg no på fjerdeplass blant dei seks laga i avdelinga. Terminliste, resultat og tabell finn du her, men dette er ikkje oppdatert etter laurdagens kamp.

Neste kamp er ein heimekamp mot Bergen PIL 3. Den går i Hardanger Bordtennishall laurdag 01. februar.

Etter kampen tok spelarane våre ei økt på eit litt større bord..
Spelarane og lagleiar feira sigeren med kebab.
Dette innlegget vart lagt inn i Ymse. Bokmerk fastlenkja.