Hardanger BTK stilte med fem deltakarar i Bergen PIL Open i Olsvikhallen i Bergen laurdag. I junior dobbel imponerte Mohamad Basem Farah og Liam Amir Jamal då dei gjekk heilt til topps etter å ha spela svært godt i alle kampane! Våre gutar var ikkje favorittar i nokon av kampane, men slo til med tre sterke sigrar og sikra med det førsteplassen! I den avgjerande kampen vann dei svært knepent 3-2 etter at motstandarane hadde hatt fleire matchballar.
Mohamad imponerte også då han slo puljevinnaren i si pulje i rankingklasse B. Diverre tapte han mot dei to andre i pulja og rauk dermed ut. Liam rauk også ut med ein siger og to tap i puljespelet i rankingklasse B. Slik gjekk det også med Murad Basem Farah i rankingklasse C. Alexsander Nyland deltok i si første turnering og vart nummer to i B-sluttspelet i rekruttklassen. I senior dobbel spela Håvard Markhus saman med Murad. Dei møtte tøff motstand – blant anna to noregsmeistrar – og måtte nøya seg med å vinna eitt sett i klassen.
Hardanger BTK er svært godt nøgde med spel, resultat og innsats i turneringa!
Neste helg er det NM for yngre i Bodø. Der deltek Liam Amir Jamal som vår einaste representant. Deretter deltek klubben med fem spelarar i Lekstorps Sommarpool , som vert arrangert i Gråbo utanfor Gøteborg helga 27.-29. juni.
