Hardanger BTK sine sommaravslutningar på kveldstid onsdag og føremiddagstid torsdag vart svært vellukka! Rundt tredve personar var til stades i hallen til saman. Dei frammøtte kosa seg med grillmat og brus. Mange slo også nokre slag bordtennis. Det var god stemning, og dei frammøte var svært nøgde med arrangementa! Klubben takkar alle som bidrog under arrangementa!
NB. Sjølv om det var sommaravslutning denne veka, vert det treningar og open hall til vanlege tider også framover. Unntaka vert open hall fredagar og sundagar som har teke sommarferie. Info om når me tek sommarferie – og om moglegheita til å spela også i sommar – kjem seinare.
