Hardanger BTK stilte i helga med seks deltakarar i Stord Cup, som vart arrangert i Stord idrettspark. Fem av deltakarane sikra seg til saman ni pallplassar i løpet av to dagar! Dermed gjekk det endå betre enn i forrige turnering, der våre deltakarar var på pallen åtte gonger.
I herrar junior dobbel gjekk Liam Amir Jamal og Mohamad Basem Farah til topps! Dermed vann dei ein dobbelklasse for tredje gong på rad! Murad Basem Farah og makker Nikola Sedlarevic frå Haugesund BTK vart nummer tre.
I herrar E sikra Aodne Valland seg ein sterk andreplass. I herrar F vart Murad Basem Farah nummer fem. I damer open vart det fjerdeplass på Iselinn Stuve. I herrar junior vart Liam Amir Jamal nummer tre og Mohamad Basem Farah nummer fem. For vår siste deltakar, Håvard Markhus vart det berre heiderleg innsats saman med makker Nils Arne Stuve frå arrangørklubben.
I lagklassane vart alle våre fire deltakarar nummer tre. I herrar lag vart Iselinn Stuve nummer tre saman med Roger Andersson og Kristian Magnussen frå Stord BTK. I herrar E lag vart det tredjeplass på Liam/Mohamad etter at dei tapte svært knepent i semien. Tredjeplassen delte dei med Murad og hans makker Arve Aadland Sataøen frå Geilo BTK.
Hardanger BTK er svært godt nøgde med spel, resultat og innsats i turneringa!
Neste turnering er Fjell Cup i Bergen laurdag 18. oktober.
