Hardanger BTK stilte laurdag med heile ni deltakarar i Heros Open, som vart arrangert i Alvøen idrettshall i Bergen. Best gjekk det med Aodne Valland. Han sikra seg ein sterk andreplass i herrar E, etter å ha tapt knepent 3-2 i finalen. I same klasse vart det femteplassar på Mohamad Basem Farah og Lars Henrik Mo. Begge tapte 3-2 i kvartfinalane. For Lars Henrik sin del var det klubbkamerat Aodne som vart litt for god. Murad Basem Farah fulgte opp den sterke HBTK-innsatsen i klassen med sin niandeplass.
I herrar D vart det ein fin femteplass på Aodne. I den yngste rekruttklassen gjekk Mihai Sambuteanu til topps i B-sluttspelet. I herrar F var både Jeannette Huttenlocher og Murad svært nær avansement frå puljespelet.
Dei andre deltakarane våre var Liam Amir Jamal, Mona Yusuf Noor og Shahd Alghneem. Desse møtte tøff motstand i puljespelet og rauk ut.
Hardanger BTK er veldig godt nøgde med spel, resultat og innsats i turneringa!
Neste turnering utanfor Norheimsund er KM i Bergen 13.-14. desember. Førstkomande veke arrangerer me klubbmeisterskap i Hardanger Bordtennishall. Sjå eiga sak om det.
