Onsdag og torsdag arrangerte Hardanger BTK årets utgåve av den tradisjonsrike julegristurneringa i Norheimsund. Dette er ei turnering der spelarane byrjar med pluss og minuspoeng etter nivå for å få jamnast mogleg kampar. Heile 31 spelarar deltok! Dette er dobbelt så mange som i fjor og aldri før har så mange delteke i denne turneringa!
Mihai Samboteanu, Lars Henrik Mo og Torgeir Flatebø vart årets julegrisar. Mihai vann klassen for barn etter å ha slått Kjetil Reithofer Soldal i finalen. Nikolai Mo og Olav Skaar Kvarv vart nummer tre. Lars Henrik Mo vann klassen for ungdomar og vaksne etter å ha slått Kristian Sørheim i finalen. Mohamad Basem Farah og Jeannette Huttenlocher delte tredjeplassen. I klassen for føremiddagsgruppa vart Torgeir Flatebø årets julegris medan Elisabeth Bjorøy vart nummer to. Johnny Roy Knudsen og Thor-Arne Lyshaugen vart nummer tre.
Det vart delt ut twist til alle og ekstra premiar til dei beste. Me gratulerer Mihai, Lars Henrik og Torgeir som årets julegrisar!
