Her kjem sesongmelding for sesongen 2025-2026. Ta kontakt med Håvard (91535549, havard@hbtk.no) dersom du oppdagar feil eller manglar i sesongmeldinga.
Sesongmelding Hardanger Bordtennisklubb sesongen 2025-2026 23.07.2026
Innleiing
Her kjem sesongmelding for sesongen 2025-2026. HBTK lagar kvart år ei kortfatta årsmelding og ei meir omfattande sesongmelding. Desse utfyller kvarandre.
Årsmeldinga vert godkjend på årsmøtet, medan sesongmeldinga vert godkjend av styret. Begge vert lagt ut på hbtk.no.
Organisasjon
Økonomiansvarleg: Jan Visser
Sportsleg leiar: Håvard Markhus
Dugnadsansvarlege:
Jeannette Huttenlocher, Bente Maubach
Sponsoransvarlege: Håvard Markhus
Trenarar: Håvard Markhus, Jan Visser
Ansvarlege for open hall: Bente Maubach, Håvard Markhus, Jan Visser, Jeannette Huttenlocher, Kristian Sørheim
Lagleiarar: Håvard Markhus (HBTK 1), Jeannette Huttenlocher (HBTK 2)
Medlemsansvarleg: Håvard Markhus
Påmeldingsansvarleg: Håvard Markhus
Materialforvaltar (innkjøp): Aodne Valland
Materialforvaltar (reparasjonar): Lars Henrik Mo, Jan Visser, Bente Maubach
Politiattestar: Ivo Beijersbergen
Nettredaktør: Håvard Markhus
Veterankontakt: Jeannette Huttenlocher
Nokre verv fylgjer perioden mellom årsmøta. Oversikt over desse står i årsmeldingane.
Medlemstal, rekruttering og treningar
Klubben hadde 68 registrerte medlemer pr. 31.12.2025. Klubben har hatt eige treningslokale i Hardanger Bordtennishall også denne sesongen. Me har fleire aktive medlemer og høgare aktivitetsnivå enn før me fekk tilgang til eige treningslokale. Rekrutteringa har vore god. Me har mange aktive medlemer – både barn, ungdomar og vaksne og av begge kjønn! Klubben har hatt trening eller open hall i Hardanger Bordtennishall seks dagar i veka. Me har også hatt tilbod til våre medlemer i alle feriar.
Me har hatt vitjing av idrettsskulen til Kvam LSK og delteke på Torgdagen i Norheimsund.
Seriespel
Hardanger BTK stilte med to lag i seriespelet sesongen 2025-2026. Førstelaget vart nummer tre i 4. divisjon medan andrelaget vart nummer to i 5. divisjon. Dermed vart det medaljeplass på begge laga våre!
På førstelaget spela Håvard Markhus, Mohamad Basem Farah, Aodne Valland, Liam Amir Jamal, Kristian Sørheim og Murad Basem Farah.
På andrelaget spela Murad Basem Farah, Liam Amir Jamal, Mohamad Basem Farah, Lars Henrik Mo, Kristian Sørheim, Håvard Markhus og Jeannette Huttenlocher.
Håvard var lagleiar for førstelaget og Jeannette for andrelaget.
Håvard vart nummer to i kåringa av årets lagspelar 4. divisjon. I 5. divisjon vart Murad nummer tre.
I løpet av sesongen spela Kristian sin A-lagskamp nummer 25!
Deltaking i turneringar i Noreg
Resultat
Spelarane våre har oppnådd mange flotte resultat i lokale turneringar! I veteran-NM vart Iselinn Stuve nummer ni i mix dobbel 35 saman med Øystein Bakke frå Heros.
Klubbmeistrar
Klubbmeistrar 2025 vart Kristian Sørheim (herrar/damer open), Elisabeth Bjorøy (Golden Girls), Njål Skulstad (Golden Boys), Murad Basem Farah (gutar/jenter 15), Mihai Samboteanu (gutar/jenter 11) og Mohamad Basem Farah/Lars Henrik Mo (herrar/damer dobbel).
Regionsting og valde representantar
På regionstinget i juni vart Jeannette Huttenlocher vald til to nye år som styremedlem i Region Vest.
Eigne arrangement
Klubben har arrangert Norheimsund Open samt nokre mindre arrangement.
Sponsorar og støtte
Kvam Kraftverk og GBS har vore generalsponsorar.
Thon Hotel Sandven og Tecno har vore hovudsponsorar. Me har også hatt fleire mindre sponsoravtalar. Me har fått støtte frå Sparebanken Norge, Equinor, Stiftelsen Ulvsnesøy skolehjem og Elsa og Svein Iversens legat.
Media
I løpet av sesongen har klubben hatt god dekning i Hordaland Folkeblad.
Om hausten laga me ei ny utgåve av klubben sin promofilm. Den vart delt via Facebook og heimesida til klubben.
Innkjøp av utstyr og drakter
Treningsforhold og hall
Klubben inngjekk leigekontrakt på den tidlegare yrkesskulen i Steinsdalen sommaren 2022. Der har me leigd vårt eige treningslokale i gymsalen. Me har no nytta dette lokalet i fire sesongar. Sommaren 2026 flyttar me til Torpe Møbelfabrikk i Øystese. Der har me inngått ein avtale om leige fram til sommaren 2027.
Klubben har hatt veldig gode treningsforhold i Steinsdalen, men i Øystese har me fått ein gunstigare avtale samt at lokala ligg meir sentralt til. Namnet på lokala våre vert framleis Hardanger Bordtennishall.
Dugnad
Klubbens største dugnadsløft var Norheimsund Open. I tillegg har me gjennomført dugnad i samband med nokre mindre arrangement. Elles vert det utført mykje dugnad i samband med den ordinære drifta av klubb og hall.
Kurs og dommarar
Kim-Erling Bolstad-Larssen deltok på kurs om det nye dataprogrammet Stupa i regi av NBTF i Bergen.
Klubben stilte med fleire dommarar under den internasjonale turneringa Bergen Para Open i Haukelandshallen i Bergen.
Diverse
Seks deltakarar og ein heiagjeng på tre deltok i Liakixen i Grimstad i juni 2026. Turen var svært vellukka!
Neste sesong rundar klubben 40 år. Det skjer 02. februar 2027.
Oppsummering
Klubben har gjennomført ein sesong der me har hatt mange aktive medlemer og høgt aktivitetsnivå. Me har fleire aktive medlemer og høgare aktivitetsnivå enn før me fekk tilgang til eige treningslokale i Hardanger Bordtennishall. Me har stor glede og nytte av å ha eige treningslokale. Me har også oppnådd gode resultat! Klubben har mange medlemer som tek på seg oppgåver, og drifta av klubben går godt!
Me kan vera veldig godt nøgde med sesongen! Blant høgdepunkta var då me arrangerte og stilte med 23 deltakarar i Norheimsund Open og då seks deltakarar og ein heiagjeng på tre deltok i Liakixen i Grimstad.
Sjå elles årsmeldingane, som vert lagt ut på hbtk.no etter årsmøte kvart år.
Styret
