Hardanger BTK stilte med sju deltakarar under Lyderhornspretten i Alvøen idrettshall i Bergen sundag. Best gjekk det med Murad Basem Farah. Han vann samtlege seks kampar, gjekk heilt til topps i rankingklasse 2 og kunne med det gå 500 kroner rikare ut frå hallen. I rankingklasse 1 vart Håvard Markhus nummer seks, Liam Amir Jamal nummer sju og Mohamad Basem Farah nummer åtte. Dei tre møttest i ei nesten rein HBTK-pulje i plasseringsspelet. Mohamad imponerte med å slå sølvvinnaren i klassen i puljespelet, medan Håvard slo bronsevinnaren i si pulje.
Våre andre deltakarar; Sokrates Birkeland, Lamar Basem Farah og Brinsat Basem Farah fekk tøff motstand, men viste gode prestasjonar.
Alle resultat finn du her: https://bordtennislive.no/events/98/124/1/6/6
Hardanger BTK er veldig godt nøgde med spel, resultat og innsats i turneringa! Me gratulerer Murad med førsteplassen!
Neste turnering er Stord Cup på Stord helga 19.-20. september.
