Etter tre månader utan turneringar er det endeleg mogleg å konkurrera igjen! Tysdag arrangerte Hardanger BTK ei lita klubbturnering for dei yngste. Sju born deltok, og alle fekk medalje. Gustav Korshavn Vikesdal gjekk til topps etter å ha slått Felix van der Leest i ein svært jamn finale.
Førstkomande helg er det regionsmeisterskap på Stord. Hardanger BTK fortset med treningar heilt fram til skuleslutt. Informasjon om treningstider for neste veke kjem seinare.
