Her kjem sesongmelding for sesongen 2020-2021. Ta kontakt med Håvard (91535549, havard@hbtk.no) dersom du oppdagar feil eller manglar i sesongmeldinga.
Sesongmelding Hardanger Bordtennisklubb sesongen 2020-2021
Innleiing
Her kjem sesongmelding for sesongen 2020-2021. HBTK lagar kvart år ei kortfatta årsmelding og ei meir omfattande sesongmelding. Desse utfyller kvarandre. Grunna koronaviruset er også sesongmeldinga relativt kortfatta denne gongen.
Årsmeldinga vert godkjend på årsmøtet, medan sesongmeldinga vert godkjend av styret. Begge vert lagt ut på hbtk.no.
Organisasjon
Leiar: Håvard Markhus
Medlemer: Roger Andersson og Jack Feng
Dugnadsutval:
Jeanette Huttenlocher og Iselinn Stuve
Sponsorarbeid: Jack Feng, Håvard Markhus, Vidar Sangolt
Trenarar: Roger Andersson, Håvard Markhus, Jan Visser, Jannik Huttenlocher
Lagleiarar: Jack Feng (HBTK 1), Håvard Markhus (HBTK 2)
Medlemsansvarleg: Håvard Markhus
Påmeldingsansvarleg: Roger Andersson
Materialforvaltar (innkjøp): Roger Andersson, Iselinn Stuve
Materialforvaltar (reparasjonar): Roger Andersson, Jan Visser
Politiattestar: Ivo Beijersbergen
Nettside: Håvard Markhus
Veterankontakt: Endre Furu
Nokre verv fylgjer perioden mellom årsmøta. Oversikt over desse står i årsmeldingane.
Medlemstal, rekruttering, treningar
Klubben har hatt over femti medlemer. Rekrutteringa har vore relativt god, sjølv om koronaviruset truleg har medverka til at det har vore færre til stades på treningane enn ein vanleg sesong. Me har mange aktive medlemer – både born, ungdomar og vaksne og av begge kjønn! Klubben har hatt trening i Norheimsund idrettshall fem dagar i veka.
Klubben har ikkje gjennomført bordtennisøkter med klassar på nokon skular denne sesongen, men me har hatt besøk av to grupper frå idrettskulen til Kvam LSK. To lærarar frå Framnes Kristne Vidaregåande Skule har vore med på klubbtrenarkurs med tanke på å gjennomføra økter med elevar på skulen.
Farmerklubb og medlemer andre stader
Strand ULV IL BTG på Hatlestrand er farmerklubb av Hardanger BTK. Klubben har hatt lite aktivitet dei siste åra.
Hardanger BTK har aktive medlemer i Bergen, Stord, Bømlo, Polen, Sverige og Slovenia i tillegg til i fleire bygder i Kvam.
Trenarar
Hovudtrenar har vore tidlegare kongepokalvinnar Roger Andersson. I tillegg har Håvard Markhus, Jan Visser og Jannik Huttenlocher vore trenarar.
Seriespel
Hardanger BTK skulle ha to lag i seriesystemet sesongen 2020-2021; eitt i eliteserien og eitt i 4. divisjon. Alt seriespel vart avlyst grunna koronaviruset.
Deltaking i turneringar i Noreg
Det aller meste av turneringar har vorte avlyst grunna koronaviruset. Me har berre hatt deltakarar med i Laksevåg Opningsstemne, Stord Cup og ei eliteturnering i Bergen.
Resultat
Roger Andersson vart nummer tre i herrar elite i ei eliteturnering i Bergen.
Lagsmeistrar
Lagsmeisterskapen 2021 vart utsett grunna koronaviruset.
Forbundssamlingar, landslagsoppdrag og deltaking i utlandet
Det meste har blitt avlyst eller utsett grunna koronaviruset, men Jan Roger Andersson har delteke på forbundssamling i Oslo
Eigne arrangement
Klubben har arrangert trenarkurs i samarbeid med NBTF samt julegristurnering. Alle andre arrangement har blitt avlyst grunna koronaviruset.
Sponsorar og støtte
Klubben har hatt hovudsponsoravtalar med Sparebanken Vest, Kvam Auto, Lingalaks og Thon Hotel Sandven. I tillegg har me hatt fleire mindre sponsoravtalar. Me har også motteke støtte frå Norges Idrettsforbund og Kvam herad.
Media
I løpet av sesongen har klubben hatt dekning i Hordaland Folkeblad, men koronaviruset har gjort at denne har vore langt mindre omfattande enn vanlegvis.
Innkjøp av utstyr og drakter
Klubben har ikkje kjøpt inn noko utstyr denne sesongen, men me har fått to bord med nett samt racketar frå NBTF i samband med eit prosjekt me var med på. Me har framleis ein svært god utstyrspark!
Treningsforhold og hall
Klubben har gode treningsforhold i Norheimsund idrettshall. Me har to bord utplasserte i Framnes Arena og eitt i festsalen på Kvam vidaregåande skule avdeling Øystese.
Me vurderer også fleire alternativ med tanke på bordtennishall.
Dugnad
Klubbens medlemer har utført dugnadsarbeid i samband med maling av eit hus.
Oppsummering
Sesongen vart prega av koronaviruset. Likevel har me har klart å halda aktiviteten i klubben oppe og gjennomført treningar med relativt bra oppmøte bortsett frå i periodar då dette ikkje har vore lov. Sterke resultat vart det lite av denne sesongen, rett og slett fordi det aller meste av arrangement vart avlyst. Me har mange medlemer som tek på seg oppgåver, og drifta av klubben går godt! Klubben kan vera veldig godt nøgd med sesongen!
Sjå elles årsmeldingane, som vert lagt ut på hbtk.no etter årsmøte kvart år.
Styret
