På tysdagens årsmøte i Hardanger BTK vart Vidar Sangolt vald til ny leiar. Vidar var med å starta klubben for 35 år sidan – saman med Håvard Markhus, Trond Nordpoll og Amund Leiren. Vidar har solid bakgrunn innan idrett og organisasjonsliv. Han har blant anna vore styremedlem i Hordaland Bordtenniskrets. I klubben vår har han vore leiar også tidlegare, og han har hatt diverse andre verv.
Som spelar har han 85 A-lagskampar for Hardanger BTK. Det er berre Håvard Markhus og Jack Feng som har fleire.
Vidar var den første som var sivilarbeidar i klubben vår. Den rolla har forøvreg også avtroppande leiar Erlend Skeie Langeland hatt.
Erlend ynskte ikkje å fortsetja som leiar, men me er heldige som får han med vidare som økonomisk leiar. Elles så fortset både Jack Feng og Iselinn Stuve i styret, Jack som nestleiar og Iselinn som styremedlem.
Klubben fortset med den nye ordninga til NIF med forenkla lovnorm, noko som betyr at det kun vert tre medlemer i styret samt ingen valkomitè eller kontrollkomitè.
Me takkar Erlend for innsatsen som styreleiar, og ynskjer det nye styret lukke til!
Det nye styret ser dermed slik ut:
Leiar: Vidar Sangolt
Nestleiar: Jack Feng
Styremedlem: Iselinn Stuve
Under «Om klubben» øvst på sida finn du ei oppdatert oversikt over alle med faste oppgåver i klubben.
Seks medlemer møtte på årsmøtet, som vart avvikla digitalt på Google Meets. Årsmøtet kunne slå fast at 2021 var eit vellukka år for klubben – trass i korona.
Årsmeldinga vert lagt ut på nettsida i ei eiga sak seinare.