Torsdag arrangerte Kvam herad fritidsmesse i Øystese idrettshall. På messa presenterte organisasjonar og andre aktørar sine tilbod for alle 7.-10. klassingar i heradet. Målet med messa var å få fleire unge engasjerte i ulike tilbod på fritida.
Hardanger BTK stilte med Bente Maubach, Obaida Taha og Jannik Huttenlocher. I tillegg hadde me med oss to bord og bordtennisrobot. Standen vår var svært populær! Veldig mange elevar var innom for å prøva bordtennis! No håpar me på at nokre av ungdomane også vil koma på trening i klubben vår!