Roger Andersson og sonen Jan Roger Andersson vart begge nummer tre i Stiga Norgescupfinalen, som vart arrangert i Oslo i helga. Roger vart nummer tre i herrar elite medan Jan Roger kom på same plass i herrar eldre junior.
I Stiga Norgescupfinalen deltek dei åtte beste samanlagt etter sesongens Norges Cup-stemne i ulike klassar. Alle spelarane møter kvarandre.
Roger vann fire av sju kampar i herrar elite. Det gjorde også to andre spelarar, så det var svært jamt mellom plassane tre til fem.
Jan Roger vann fem av sju kampar i herrar eldre junior. For han var dette siste turnering før han skal delta i Deaflympics i Caxias do Sul i Brasil 1.–15. mai. Der vert Roger med som trenar.
Hardanger BTK gratulerer spelarane med tredjeplassane!