Vel møtt til Eliteseriekamp, trening, brus, kaffi, kaker, vårrullar og pizza!
Sundag 06. november spelar Hardanger BTK sitt eliteserielag sesongens einaste heimekamp. Kampen startar kl. 11.00 og vert spela i Norheimsund idrettshall.
Me håpar mange av klubbens medlemer vil koma på kampen og tilbyr fylgjande:
Det vert gratis brus, kaffi og kaker til alle medlemer som kjem på kampen!
Sjølve eliteseriekampen tek truleg mellom halvannan time og to timar.
Etter kampen vert det mogleg å trena for alle medlemer som ynskjer det. Ungdomane i klubben vil også få sjansen til å trena litt med eliteseriespelarane våre! I samband med treninga vil det også verta gratis pizza, vårrullar og brus!
Sidan me ikkje veit kor lang tid kampen tek kan me ikkje setja eit nøyaktig tidsskjema, men me reknar med å vera ferdig med heile arrangementet i 14.00-15.30-tida.
Motstandar Laksevåg BTK vil vera store favorittar i kampen, men me håpar mange i klubben vil koma for å støtta våre beste spelarar! Familie, vener og andre er sjølvsagt også velkomne, men tilbodet om trening og gratis mat og drikke gjeld kun medlemer. Andre vil kunna kjøpa brus, kaffi og kaker.
For at me skal kunna planlegga treninga og innkjøp av mat bed me om at klubbens medlemer melder seg på til Bente Maubach (bente.maubach@dukamail.no) innan 31. oktober. Skriv om de berre vil vera til stades under kampen (med gratis brus, kaffi og kaker) eller om de også vil vera med på treninga (med gratis pizza, vårrullar og brus).
Me håpar mange vil nytta høve til å sjå nokre av landets beste bordtennisspelarar!
NB. Eliteserielaget spelar også to kampar i Olsvikhallen i Bergen laurdag 05. november. Den dagen er det også eit regionalt stemne i Haukelandshallen i Bergen. Sjå eiga sak om den turneringa.
