Hardanger BTK stilte med sju spelarar i årets kretsmeisterskap, som vart arrangert i gamlehallen i Stord idrettspark laurdag. Våre deltakarar oppnådde fleire flotte resultat!
Erik Doval vart kretsmeister i herrar dobbel saman med makker Thomas Sæverud frå Stord BTK. Håvard Markhus og makker Nils Arne Stuve frå Stord BTK sikra seg bronse i klassen.
Nybyrjarane vart delt inn i to klassar etter nivå. Våre deltakarar deltok i den beste nybyrjarklassen. Her gjekk Sandar Lyssand heilt til topps! Kristoffer Fonnaland vart nummer tre i B-sluttspelet i same klasse.
Også Felix van der Leest, Tormod McCorkle og Liam Amir Jamal deltok og viste heiderleg innsats og godt spel.
Me i Hardanger BTK er veldig godt nøgde med spel, resultat, innsats og oppførselen til våre spelarar!
Neste turnering er Laksevågkruset, som vert arrangert i Bergen laurdag 07. januar.
