Tolv deltakarar var med i Hardanger BTK sin mosjonscup i Norheimsund idrettshall torsdag. Deltakarane kom frå ulike stader i Kvam og Kvinnherad. Dei som hadde reist lengst gjorde det skarpast. Sveinung Oppheim frå Rosendal gjekk nemleg til topps etter finalesiger mot Reidar Nerhus frå Hatlestrand. Lars Oppheim, som er son til vinnaren, delte tredjeplassen med Bjarte Døssland frå Øystese.
Frå venstre: Reidar Nerhus, Sveinung Oppheim og Lars Oppheim
Fleire av kampane var svært jamne. Endre Furu var berre to poeng frå siger mot turneringsvinnar Sveinung i puljespelet, medan Lars hadde matchball mot Reidar i semien.
Turneringa samla alt frå to av klubbens grunnleggjarar til ganske ferske spelarar. Hardanger BTK er veldig godt nøgde med oppmøtet, og ser fram til å arrangera fleire mosjonscupar! Me minner elles om at det no er mosjonstrening i idrettshallen kvar torsdag kl. 19.30-21.00!
