Laurdag arrangerte Norges Bordtennisforbund regionsdommarkurs i Hardanger Bordtennishall. Kim-Erling Bolstad-Larssen var kurshaldar. Aodne Valland, Lars Henrik Mo, Jeannette Huttenlocher, Jan Visser, Kristoffer Fonnaland og Hallvard Valland Nordheim gjennomførte kurset og er nye regionsdommarar! På slutten av kurset vart alle belønna med pizza og brus.
Dermed har me auka dommarkompetansen i klubben kraftig. Fleire andre i klubben har teke kurset tidlegare. I tillegg har me tre forbundssdommarar i klubben: Jack Feng, Jan Roger Andersson og Roger Andersson. Aller høgast dommarutdanning i klubben har Kestutis Barauskas, som er internasjonal dommar.
NB. Dersom du ikkje deltok på regionsdommarkurset vil det dukka opp nye sjansar i framtida. I mellomtida kan du ta digitalt klubbdommarkurs. Info om det kurset og link til sjølve kurset finn du her.
