Hardanger BTK stilte med åtte spelarar i ei turnering i Naujoji Akmenė i Litauen fredag. Våre deltakarar hevda seg veldig godt i turneringa!
I den aldersbestemte klassen «Upper group» kom Sandar Lyssand heilt til finalen og sikra seg ein sterk andreplass blant dei fjorten deltakarane! Levi Mong fekk ein flott fjerdeplass. Gustav Korshavn Vikesdal vart nummer seks og Kristoffer Fonnaland nummer ti. Gustav vart også nummer to i b-sluttspelet. Han fekk også prisen for best innsats – etter ei avstemming blant spelarane!
Sjølve turneringssystemet vart heilt annleis enn kva me er vand til. Eit døme på det er at Gustav tapte semien i «Upper group» medan Levi tapte kvarten. Etter fleire kampar – der blant anna Levi slo Gustav – enda Levi som nummer fire og Gustav som nummer seks. Resultata i «Upper group» finn du her.
I «Lower group» kom Felix van der Leest til finalen og fekk ein sterk andreplass blant dei 21 deltakarane! Han fekk også prisen for best innsats! Liam Amir Jamal vart nummer fem – etter å ha tapt mot Felix i semien. Jardar Fykse vart nummer seks. Alle våre deltakarar i denne klassen vart altså blant dei seks beste! Resultata i «Lower group» finn du her.
I seniorklassen deltok 41 spelarar. Mange av desse heldt høgt nivå. Blant anna deltok Litauens fjerde beste herrespelar. Våre fire deltakarar i klassen stilte med låge forventningar og med mål om å kunna vinna eit sett eller to. Det viste seg å gå langt betre enn forventa! Gustav imponerte mest. Han vann fire kampar og sikra seg ein sterk 24 plass! Blant anna vann han 3-2 mot Håvard Markhus i deira første kamp i ei turnering. Håvard måtte nøya seg med ein siger i løpet av turneringa. Sandar slo til med tre sigrar i klassen og Levi med to. Begge enda likevel bak Håvard på resultatlista. Resultata i seniorklassen finn du her.
Me i Hardanger BTK er veldig godt nøgde med resultata og innsatsen til spelarane våre! Bilete og reportasje frå resten av turen vår til Litauen kjem over helga.
Neste turnering er Lyderhornspretten i Bergen laurdag 16. september.
