Hardanger BTK stilte i helga med to deltakarar i Mega Cup i Lørenskog. Med rundt 300 deltakarar er dette den største turneringa i landet, og spelarar frå fleire land deltek. Jack og Simon Feng var våre deltakarar. Det beste resultatet oppnådde Simon, som vart nummer tre i open moro. I denne klassen deltek spelarar i alle aldersgrupper, og ein startar med handicap etter alder og ranking. Simon vann mange kampar, før han til slutt måtte gje tapt for ein svensk motstandar i semifinalen.
I dei andre klassane Simon deltok i vann han kampar, men rauk ut med knappast mogleg margin i puljespelet. Broren Jack kom til andre runde i gutar 14. I gutar 13 og gutar 15 gjekk han vidare frå puljespelet og vart nummer sytten. Me kan vera godt nøgde med resultata til våre spelarar i ei turnering med høgt sportsleg nivå!
Elles så budde me saman med Bergen HIL og Sportsklubben Heros på Haraldsheim Vandrarhjem og hadde ei fin helg i Oslo med sol og sommar! Det vart også tid til mellom anna grilling, McDonalds og tur rundt Sognsvann. Dette var med andre ord ein vellukka tur både sportsleg og sosialt!
