Hardanger BTK sine deltakarar hevda seg veldig godt i helgas veteran-NM i Vikahaugane Sportssenter på Stord! Totalt sikra me oss åtte NM-medaljar, noko som er ny klubbrekord! Best gjekk det med Roger Andersson, som sikra seg to NM-titlar og ytterlegare to NM-medaljar.

Denne helga er det klart for Veteran-NM i Vikahaugane Sportssenter på Stord.

Hardanger BTK stiller med Roger Andersson, Håvard Markhus, Kjetil Sætre og Iselinn Stuve. I tillegg er Jack Feng TD (teknisk delegat) og Jan Roger Andersson overdommar. Me ynskjer spelarar, TD og overdommar lukke til!

Arrangementet startar fredag og vert avslutta på sundag. Resultatservice og tidsskjema med meir finn du her.

Sundag 23. april er det Verdas bordtennisdag. Nokre av klubbens medlemer vil markera dagen med å kjempa om heider og ære under veteran-NM på Stord. For alle andre vil det vera mogleg å koma på open hall i Hardanger Bordtennishall – til vanleg tid mellom kl. 18.30 og 20.00. Det som ikkje vil vera så vanleg er at det denne dagen vil vera GRATIS vafler, saft og kaffi. I tillegg vil frukt – som alltid på open hall – vera gratis. Sjokolade og brus må ein betala for også denne dagen.

Vel møtt på open hall under Verdas bordtennisdag! Både medlemer og andre i alle aldrar er velkomne, men born må koma i fylgje med vaksne. Meir om World Table Tennis Day kan du lesa her.

Hardanger BTK oppmodar alle om å støtta oss gjennom grasrotandelen. Dersom du registrerer Hardanger Bordtennisklubb på spelekortet ditt hjå Norsk Tipping, mottek klubben inntil 7 % av summen du tippar for – utan at det går utover din innsats, premie eller vinnarsjanse!

Du kan registrera deg hjå ein kommisjonær eller her. Linken finn du også alltid i menyen til høgre på denne sida.

Hardanger BTK har hatt gode inntekter på grasrotandelen, og håpar på å ha dette også i framtida!

Det vert trening for dei som ynskjer å vera med på årets NM for yngre eller Stiga 11-ern måndag 17. april kl. 18.00-19.30. Me har sendt ut info om dette til aktuelle spelarar.

Me håpar alle som har planar om å vera med på NM for yngre eller Stiga 11-ern kan koma. Gje gjerne beskjed til Håvard (91535549, havard@hbtk.no) på førehand.

Helga 02.-04. juni arrangerer Fokus BTK NM for yngre og Stiga 11-ern i Nordstrand Arena i Oslo. Arrangementet er aktuelt for spelarar som er født i 2007-2012.

Hardanger BTK samarbeider med ein klubb i Litauen, og vurderer å arrangera ein tur dit 08.-12. august. Klubben held til i Naujoji Akmene. Me planlegg å reisa med spelarar født i 2007-2010.

Klubben har i dag sendt ut info om desse arrangementa til aktuelle spelarar. Ta kontakt med Håvard (91535549, havard@hbtk.no) dersom du er i denne aldersgruppa og ikkje har fått eposten.

Hardanger BTK ynskjer alle medlemer og andre bordtennisvener ein god påske!!

Årsmøtet i Hardanger BTK sist onsdag kunne slå fast at 2022 vart eit vellukka år for klubben!

Her kjem årsmeldinga som vart godkjend på årsmøtet:

Hardanger BTK sine to lag i 5. divisjon avslutta laurdag seriesesongen med kampar i Bergen. Begge laga tapte sine kampar denne gongen.

Open hall vil gå som normalt sundag 02. april. Deretter tek me påskeferie. Det vert ingen vanlege treningar i ferien. Det vil likevel verta mogleg å spela også i ferien. I den interne facebookgruppa vil me leggja ut info om når nokon av oss vil vera i hallen etter kvart som dette vert bestemt. Ta kontakt med Håvard (91535549, havard@hbtk.no) dersom du vil bli medlem i den interne facebookgruppa. Ta også kontakt med Håvard dersom du ynskjer å verta informert om når det vert folk i hallen eller dersom du ynskjer å låna hallen i ferien.

Treningane startar opp att til vanlege tider over påske. Første trening vert tysdag 11. april.

Me minner elles om at det er utebord i parkar og ved skular i Norheimsund og Øystese.

Hardanger BTK ynskjer alle medlemer og andre bordtennisvener ein god påskeferie!